Vala e të nxehtit vazhdon të përfshijë pjesë të mëdha të Europës, me autoritetet në shumë vende që lëshojnë paralajmërime për shëndetin për shkak të temperaturave ekstreme.
Jugu i Spanjës është rajoni më i prekur, me temperatura që kapin 45oC të regjistruara në Sevilje dhe zonat përreth.
Një rekord i ri për muajin qershor prej 46°C u vendos të shtunën në qytetin El Granado, sipas shërbimit kombëtar të motit të Spanjës, i cili tha gjithashtu se ky muaj duket se do të jetë qershori më i nxehtë i regjistruar ndonjëherë.
Paralajmërime “të kuqe” për të nxehtin janë në fuqi në disa pjesë të Portugalisë, Italisë dhe Kroacisë, me shumë paralajmërime “portokalli” që mbulojnë zona të Spanjës, Francës, Austrisë, Belgjikës, Bosnje & Hercegovinës, Hungarisë, Serbisë, Sllovenisë dhe Zvicrës.
